| 饮得high high地,不如返屋企
损人先利己,打赢靠暗器;损人不利己,不如跳井死~~~
若要人不知...唔好甘低B....
得闲奸一奸，大病都好翻
你唔丑，你点算丑啊，你係块面唔多实用咁解嘛，你嘅鼻台太大，啲眼耳口鼻咪唔见使咯
处男系无资格自杀嘅！
错就要认！要对方认！！！
有恩不报未算差.....有仇不报正人渣....
三十六着，恃强凌弱
江湖一滴血.. 不對外人說.. 如對外人說.. 日夜流鼻血..
愛情有如流星雨,短暫而美麗.
如果你没有时间谈情就请你跟我露营.
只要有泳衣，死左都有得医.
你好巴闭咩？我够有3个C咯，CHEAP、CHEAPER、CHEAPERPER
你爱的,得唔到.你唔爱的,你甩唔到
卸咗妝後仲認得叫做化妝,認唔嘅叫做喬裝.
化妆叫make up，女人唔单止俾个make up你睇，仲要俾埋个making of你睇.
鞠躬盡瘁死而後已,If I try so hard, I will die after worst.
百佳呢個名改得好,咁大間鋪頭只系得100樣嘢系佳.哩啲咪叫做謙虛羅.
基本上男人系做到三個不,不主動,不抗拒,最重要我地系不負責嘅.
啲老板成日話啲員工做野都唔羅個心出來,激死人.
啲員工就成日話老板都唔羅舊金出來,洗死人.
佢畀份人工你，一半係畀你做嘢嘅，一半係畀你受氣嘅.
你返去同日本人讲~~钓鱼台我地中国的!
啲猪扒令到我哋啲男人好唔安乐,但却令到你哋啲女人好快乐.
buffet不妨太过份.出猫不要太高分
我有一份工...叫做阴功
喺爱情之中，女人最伟大！男人嘅牺牲，就为咗追求美丽；而女人嘅牺牲，就只系得到一个麻甩佬！而最伟大嘅系佢哋根本唔觉得系牺牲。
我第一次恋爱之前，我嘅小龙女只需要一个条件，就系靓，我知我咁样谂好肤浅，但系嗰阵时我重细，唔知道原来身材都好重要架。
杀人放火金腰带 今次唔得帮你挽鞋!
唔该你失恋就唔好唱情歌啦,失恋唱情歌即系漏煤气,你关窗姐
好多人結婚，最初就以為自己係婚姻嘅用家。後來先發覺自己係感情嘅炒家，於是想離婚。 但係離婚又要攪幾年，睇住周街都係新盤靚盤，自己個盤又放唔出，幾難受！
我從小就知道，我係一個偉大嘅演員。
人哋細個成班細路群埋，鐘意玩扮結婚，扮爸爸媽媽。我細個，就鐘意扮姦夫淫婦。
但係唔知係咪我個樣比較老實，我係從來都冇機會扮奸夫。每次我都係扮淫婦......嘅老公。
雖然係咁，雖然，我亦都係成班人之中最細嗰個。但係我已經可以將一個妒忌嘅男人心態表現得淋漓盡至。
當然，我啲朋友個個都讚我，話我天生出嚟，就係戴綠帽嘅。
如果你話我聽，因為我唔靚仔，所以唔可以做戲，你唔應該話我聽！因為唔關我事，我唔應該負呢個責任，你應該同我父母講，係佢哋攪成我咁嘅。如果你要罰，應該罰佢哋。以後，邊個醜樣，就罰佢爸爸媽媽唔準做戲！或者剩係做茄呢啡！
我唔係一個唔負責任嘅人，為我爸爸媽媽嗰短短一剎嘅快感，我已經負責負咗廿幾年。你估做我好易做啊？
我細個讀書唔好，或者唔合格，我冇要父母負責。我自己簽晒啲成績表嘅。
每當我爸爸媽媽有爭執鬧交嘅時候，我有冇叫佢哋為咗我嘅童年著想，忍下對方？冇！我叫佢哋出街鬧！
我大個咗，唔知應該信邊個宗教，唔知做人為乜，唔知人生事業嘅方向都冇要求父母照顧我。
反而係我調番轉頭，提醒佢哋：你哋要搵錢啊，積穀防飢啊，唔係第日老來無依無靠啊！
乜嘢都係我！
一件污,二件穢,三件無所謂。
白雪公主，识得果个系王子，灰姑娘识得果个又系王子;有个有特殊嗜好，中意锡青蛙噶女人锡左只青蛙一淡，
只青蛙变出嚟嘅又系王子！有冇人谂过根本个王子系同一个人呢？
根本呢个王子都不知几花心，周围沟女。仲无良到扮青蛙去沟添！
所以话，其实呢个世界上没王子，只有扑街，最憎就系果啲扮王子噶扑街！！
但后来随着世界噶发展，我觉得现代噶爱情故事当中，其实都系无公主噶．因为等白马王子救噶果个系公主，拿把剑噶王子救果个又系公主，就连扮青蛙果个王子救噶都是公主．其实果个公主都唔知比人救过几多次啦．甘又有冇人谂过根本个公主其实都系同一个人呢？呢个公主其实都不知几贪心想有好多王子救佢．
愛唔係PART-TIME，你唔可以話：『愛！做完咪走囉！』
戀愛係一盤生意，你要二十四小時諗住佢。
自己生意，冇所謂PART-TIME 正識。
人地放假或者過年過節，你更加要開OT添。
行花市啦行海旁啦睇戲食飯啦....
你有乜嘢競爭對手呢？我冇競爭對手?！
你估你係專利巴士公司呀？港巴都執佐啦！ 有冇考慮結婚？咁就要向公眾交代，咁就即係上市啦！
所以，『中學生應否談戀愛』唔係問題, 問題係『人類應否有兩份全職工作？』
你再拍拖，需要知會你老闆：『老細，我出面搵佐份戀愛，我真係好需要呢份戀愛?，不過公司嘢我會照做，我兼顧到。』然後你老闆會話：『咁你不如搵多份愛情，咪直情唔洗番哩份工囉』
依家啲人溝女，對絛女最紧要係乜呀? 唔係靚，最緊要，係夠新鮮! 乜嘢叫做夠新鮮呀?
就係話,溝佐一年裹個，就唔夠溝佐半年裹個咁正。
因為半年裹個新相識，新鮮啲。
同樣，溝佐半年裹個，就唔夠三個月咁正。
溝佐一個月就唔夠半個月裹個咁正。
溝佐一日就唔夠半日佐個正，如此類推，終於...
溝佐裹件，就唔夠未溝果件咁正！
咁即係點呢??
仲溝唔溝好呢?一溝就唔正?！
靚仔係唔係真係咁重要呀?
有啲人話男人唔駛靚仔嘅,有才華咪得囉.
係,你有冇試過帶你嘅才華去落disco識女仔呀?
人地啲靚仔一行入去,唔洗二十分鐘,就已經同的女仔互相問問題: [你度定我度?]
我帶住我嘅才華入到去,幾難先搵到個女仔肯比個機會我.
唔係比機會我交換問題,而係比機會我天才表演.
唱歌跳舞做話劇講大話功夫表演,成套歡樂今宵一個人做一次......
失戀係會令人成長嘅.
我失戀之前,一向都覺得世界上所有問題都有答案.
點解我地每日都要8點鐘起身返工呀? 因為夠鐘囖!
點解我地有夠鐘哩樣嘢呀? 因為我地唔用浮動上班時間囖.
點解呢個世界有戰爭? 因為我地有武器囖.
咁點解我地要有武器呀? 因為佢地有武器囖.
一切都有答案,直到我失戀.
[阿珍,點解你唔愛我? ]
阿珍比佐一個經典既答覆我,佢話:[愛情係冇點解嘎,係唔可以解釋嘎,唔好問啦.]（記緊這句啦)
如果番學阿sir問我嘢都可以咁答就好嘞!“黃子華,物体燃燒點解需要氧氣呀?”“阿sir,係冇點解嘎,係唔可以解釋嘎,唔好問我啦!”
开心既时候做自己 唔开心既时候鬼上身 |
